यापुढे हा ब्लॉग अपडेट करण्यात येणार नसला तरी श्री. छगन भुजबळ यांच्यासंदर्भातील बातम्या, लेख आणि छायाचित्रांसाठी हा ब्लॉग वाचकांसाठी उपलब्ध राहील, याची कृपया नोंद घ्यावी.





Monday, March 5, 2012

मंत्रालयातील नूतनीकृत पत्रकार कक्षास भुजबळ यांची भेट

मुंबई, दि. 5 मार्च : राज्याचे सार्वजनिक बांधकाम व पर्यटन मंत्री छगन भुजबळ यांनी आज सायंकाळी मंत्रालय आणि विधीमंडळ वार्ताहर संघाच्या नूतनीकृत पत्रकार कक्षास भेट देऊन पाहणी केली. मंत्रालयातील वृत्तपत्र प्रतिनिधींना अत्याधुनिक संगणकीकृत सोयीसुविधा उपलब्ध झाल्यामुळे त्यांचे कामकाज अधिक गतिमान होण्यास मदत होईल, असे मत श्री. भुजबळ यांनी यावेळी व्यक्त केले.

या कक्षाचे नूतनीकरण लवकरात लवकर होण्याच्या कामी सार्वजनिक बांधकाम विभागाच्या अधिकाऱ्यांनी मोलाचे सहकार्य केल्याचे संघाचे अध्यक्ष सुरेंद्र गांगण यांनी श्री. भुजबळ यांना सांगितले. उर्वरित किरकोळ कामेही तातडीने पूर्ण करण्याची सूचना श्री. भुजबळ यांनी विभागाच्या अधिकाऱ्यांना केली.

श्री. भुजबळ यांनी राज्यातील सध्याच्या राजकीय परिस्थितीबाबत पत्रकारांशी मनमोकळेपणाने अनौपचारिक संवाद सांधला. त्यानंतर त्यांनी कक्षात फेरफटका मारुन पाहणी केली. कक्षाच्या अभिनव सजावटीचेही त्यांनी मनापासून कौतुक केले.

No comments:

Post a Comment